San Roque Chapel Guagua,Pampanga

Novena cang San Roque

O Dios a mayupayang tutu, miglalang king sablang mayayakit at e mayayakit, Guinu ring sablang lelangan, palacad king yatu at king metu siclaban, mamantabe at mimingat king tau king salucuyan at paintungum pakiramdaman mo ding musmus mung anac a daralung keca king karelang pamangailangan at kasakitan.
Lalapit ke pu keca, banal a Ibpa ning Anac mung bugtung I Jesus a mengabus kecaming palpicasala at ning Banal mung Espiritu I Jesus a mengabus kecaming palpicasala at ning Banal mung Espirutu, at ning mal mung Indu I Mariang calinislinisan, ing pakiramdaman mu sa pu ing kecaming kayaduanan caniting novena a yapse ming mipmung cababan alang-alang king mapagcumbaba mung alipan I San Roque, a kekcaming caluguran a patulunan, king icabus mu ke sa pu king casakitan, caligaligan at capanandaman a kecaming daralanan ngening salucuyan.
Mal a San Roque, kilabut ning pisti at sakit, pamingua mu cami king nanumang peligro a malyaring memerwisu king kecaming katauan at caladua. Pacayapan mu la ding kecaming masakit; pasicnangan mu la ding mangaina, antabayanan mu la ding magnerbius, dinan mu lang capangaligan ding didimla lub, ituntun mu la king catatuan ding malilili, at abayan mu la ding macasalanan ban mabalic king Dios. Pamilatan mu ke ngan keya king tronu ning Banal a Trinidad, ban camtan mi mu naman ing ligayang kekcang cabibilian king tulang alang angga king lagyu ning Ibpa at ning Anac at ning Banal a Espiritu, mangga man king alan capupusan. Amen

(Sabian ing cayaduanan). Ibpa mi, Bapu Maria, Ligaya