UP Lakan Clark

Ang UP Lakan ay itinatag noong 1988 sa UP Diliman, Quezon City kung saan ang naging pangulo nito ay si Ariel Arceo na galing sa bayan ng Guiguinto.
Ang pagkakatatag ng UP Lakan ay siyang nagbigay daan upang maging buklod at magkaisa ang mga bulakenyo sa UP. Ito rin ang isa sa mga naging dahilan upang noong ika-15 ng Hulyo, 1991, sa pangunguna ni Mayette Gatdula, ay naisipang makapagtayo ng isang organisasyong naglalayong makatulong sa mga bulakenyong nasa UP San Fernando, Pampanga (UPDEPP ngayon) at gayundin sa lalawigan ng Bulakan.
Umabot sa isang taon ang pag-oorganisa dito. Ang UP Lakan SF ay ganap na napabilang sa mga organisasyon ng UP noong ika-4 ng Agosto, 1992.