Ka-Pares (Pares Food Joint)

Ang konsepto ng KA-PARES Pares Food Joint ay na-buo simula pa lang ng taong 2012.

Ito ay nagsimula dahil sa hilig magluto, kumain at mag-explore ng masa-sarap at murang pagkain ng nagtayo ng kainan ito na si Anton Labaco, na tubong Quezon Province.

Sa madalas na pag-punta ni Anton sa Makati ay ilang beses na din niyang natikman at binalik-balikan ang masarap at malinamnam na sabaw na may karne ng baka. Pina-partner ito sa kaning may kulay at kaunting alat. Ito pala ang tinatawag ng mga manileño na Beef Pares.

Dahil may background sa pagluluto, sinubukan ni Anton na gayahin ang timpla ng Beef Pares ng Makati sa kanilang sariling kusina. Mga ilang beses na ding subok ang nag-daan na hindi nakuha ang hinahanap na timpla.

Hanggang sa nahuli ang nilalasap na sarap. Pero gusto nya itong bigyan ng twist kung kaya’t hinaluan ng iba pang sikretong spices para ang lasa ay mas lalong maging angat!

Sa tulong ng mga ka-pamilya, kaibigan at ngayon ay Ka-Pares, na-buo ang kainang KA-PARES Food Joint mula sa kaunting ipon at hiram na puhunan.

Ngayon, ang sarap na mula sa lugar na medyo kalayuan ay nadala na sa mahal na bayan ng Atimonan.

Tikman ang lasa ng kaka-ibang sangkap, hulihin ang sa Atimonan ay bagong sarap ng KA-PARES Pares Food Joint.